«Նապոլիի» գլխավոր մարզիչ Անտոնիո Կոնտեն նշել է, որ այս մրցաշրջանը թիմի համար դժվար է լինելու նոր ֆուտբոլիստների մեծ թվի պատճառով։
«Երբ ես կոչ եմ անում հանգստության և զգույշության, դա անում եմ մեկ պատճառով. ի տարբերություն այլ թիմերի, մենք այդքան լավ համակարգված կազմ չունենք բոլոր մրցաշարերում, այդ թվում՝ Չեմպիոնների Լիգայում, Իտալիայի գավաթում և Իտալիայի Սուպերգավաթի խաղում մրցելու համար։
Ֆուտբոլիստները գալիս են տարբեր համակարգերից, և նրանցից բարձր արդյունքներ են սպասվում։ Մենք պետք է քրտնաջան աշխատենք խաղադաշտում՝ աճելու և հաջորդ մակարդակին հասնելու համար, բայց երբեմն ժամանակը քիչ է, և փորձը դանդաղ է գալիս։ Երբ ես լսում եմ խոշոր տրանսֆերային արշավի մասին խոսակցություններ… դա բոլորովին այլ պատմություն է», – Կոնտեի խոսքերն է մեջբերում Goal-ը։
