Իսպանացի հարձակվող Լուիս Ալբերտոն նախորդ ամռանը լքեց «Լացիոն» և տեղափոխվեց Կատարի առաջնություն։ Այժմ, մեկ տարուց մի փոքր ավելի անց, ֆուտբոլիստը Il Messaggero-ին տված հարցազրույցում քննադատել է իր նախկին ակումբին։
«Երբ ակումբը հրաժեշտ տվեց Սիմոնե Ինձագիին, Իգլի Տարեին և Մաուրիցիո Սարիին, պարզ դարձավ, որ ամեն ինչ վատ կընթանա։ Սրանք մեծ սխալներ էին։ Նրանց փոխարինելու համար բերվեցին անգործունակ մարդիկ։ Բարեբախտաբար, Սարին վերադարձել է՝ մի մարդ, ով հասկանում է ֆուտբոլը և չի ամաչում ճշմարտությունն ասելուց», – ասաց Լուիս Ալբերտոն։
«Լացիոն» ներկայումս Սերիա A-ի մրցաշարային աղյուսակում զբաղեցնում է տասներեքերորդ տեղը։
