«Բարսելոնայի» նախագահ Ժոան Լապորտան արձագանքել է գլխավոր մարզիչ Հանս-Դիտեր Ֆլիկի մեկնաբանություններին՝ դժգոհություն հայտնելով Իսպանիայի հավաքականի մարզչական շտաբից՝ «Բլաուգրանայի» հարձակվող Լամին Յամալին խաղերում ակտիվորեն օգտագործելու համար, չնայած նրա ցավերին։
18-ամյա ֆուտբոլիստն այժմ վերականգնվում է վնասվածքից։
«Մեր մարզիչն արդեն ասել է այն ամենը, ինչ ասել է, և նա բացարձակապես ճիշտ է», – Լապորտայի խոսքերն է մեջբերում Sport.es-ը։
Այս մրցաշրջանում Յամալը մասնակցել է Լա Լիգայի երեք խաղի՝ խփելով երկու գոլ և կատարելով երեք գոլային փոխանցում։
