«Նապոլիի» գլխավոր մարզիչ Անտոնիո Կոնտեն մեկնաբանել է Չեմպիոնների Լիգայի առաջին տուրում «Մանչեսթեր Սիթիից» կրած պարտությունը (0-2)։
«Դժվար է խաղալ «Մանչեսթեր Սիթիի» դեմ, և տասը ֆուտբոլիստով 20 րոպե անց դա անհնար է։ Մենք շատ լավ էինք պաշտպանվում, բայց այն պահերին, երբ բաց թողեցինք երկու գոլը, կարող էինք շատ ավելի լավ խաղալ։ Այնուամենայնիվ, ես ոչինչ չունեմ ասելու իմ ֆուտբոլիստներին. նրանք ցուցաբերեցին մեծ նվիրվածություն և ոգի։
Եթե խաղը շարունակվեր հավասար թվով խաղացողներով, մենք կարող էինք տեսնել այլ խաղ։ Մենք խոսում ենք «Մանչեսթեր Սիթիի» մասին՝ ֆանտաստիկ թիմի, և մենք պետք է վերականգնվենք և պատրաստվենք հաջորդ խաղին։
Մենք մեզ հետ կտանենք թիմի ոգին, և ինձ դուր է գալիս, թե ինչպես նրանք միասին հաղթահարեցին դա, բայց մենք չէինք կարող թույլ տալ երկու գոլ բաց թողնել։ Պետք է մտածենք լիգայի հաջորդ խաղի մասին, և ես հավատում եմ, որ կարող ենք հաջողության հասնել Չեմպիոնների Լիգայում։
Փոխարինե՞լ Դե Բրույնեին նրա հեռացումից հետո։ Դա իմ միակ տարբերակն էր։ Ես շատ, շատ ցավում էի նրա համար, քանի որ դա խաղ էր նրա նախկին թիմի դեմ, բայց Կևինը ամեն ինչ հիանալի հասկացավ», – Կոնտեի խոսքերն է մեջբերում BBC-ն։
