«Բավարիայի» հարձակվող Նիկոլաս Ջեքսոնը, «Չելսիից» դժվարին տեղափոխությունից հետո նշել է, որ հույս ունի հաղթել լոնդոնյան թիմին Չեմպիոնների Լիգայի առաջիկա խաղում։
«Ես շատ ուրախ եմ այստեղ լինել և մարզվել թիմի հետ։ Ես ճանաչում եմ մի քանի խաղացողների և անհամբեր սպասում եմ խաղերին։ Իհարկե, ես խաղում եմ որպես հարձակվող, բայց կարող եմ նաև խաղալ որպես երկրորդ հարձակվող։
Ես պարզապես ուզում եմ օգնել թիմին և խաղալ մարզչի և ակումբի համար։ Ես դեռ չեմ հասկանում Բունդեսլիգայի և Պրեմիեր Լիգայի միջև եղած տարբերությունը, քանի որ դեռ այստեղ չեմ խաղացել։
Իմ տեղափոխությո՞ւնը։ Դժվար պահեր կային, բայց ես վճռականորեն տրամադրված էի տեղափոխվել այստեղ, քանի որ սա այն վայրն էր, որտեղ ուզում էի լինել։ Արդեն խոսել եմ մարզչի և ակումբի ղեկավարության հետ։ Ես ուրախ եմ այստեղ լինելու համար։
Հաջորդ չորեքշաբթի «Չելսիի» դեմ խաղն է՞։ Ես շատ ուրախ կլինեմ տեսնել «Չելսիի» իմ ընկերներին և թիմակիցներին։ Հուսով եմ՝ «Բավարիան» լավ խաղ կխաղա և կհաղթի», – ասել է Նիկոլաս Ջեքսոնը։
