«Լիվերպուլը» պատրաստ է ներդրումներ կատարել նոր բարձրակարգ խաղացողների մեջ՝ թիմը հզորացնելու համար, հայտնում է Caught Offside-ը։

Աղբյուրի համաձայն՝ մերսիսայդցիները հետաքրքրություն են ցուցաբերում «Բավարիայի» 23-ամյա հարձակվող Միյքլ Օլիսեի նկատմամբ, որը համարվում է 33-ամյա հարձակվող Մոհամեդ Սալահի երկարաժամկետ փոխարինող։

Նշվում է, որ գերմանական գրանդը, ամենայն հավանականությամբ, Ֆրանսիայի հավաքականի խաղացողի համար կպահանջի մոտ 87 միլիոն ֆունտ (100 միլիոն եվրո)։ Սակայն կա բանավոր համաձայնություն, որ Անգլիայի առաջնության ակումբների հետ բանակցությունները կարող են անցկացվել ավելի բարենպաստ պայմաններով։

Օլիսեն գերմանական գրանդ է տեղափոխվել «Քրիսթալ Փելասից» 2024 թվականի ամռանը։ Այս ընթացքում հարձակվողը բոլոր մրցաշարերում մասնակցել է 59 հանդիպման, որոնցում խփել է 24 գոլ և կատարել 23 գոլային փոխանցում։ Ֆուտբոլիստի ներկայիս աշխատանքային պայմանագիրը ակումբի հետ նախատեսված է մինչև 2029 թվականի ամառը։

Transfermarkt-ը ֆուտբոլիստի արժեքը գնահատում է 100 միլիոն եվրո։