«Լիվերպուլի» նախկին պաշտպան Ջեյմի Կարագերը կիսվել է Ջեյդոն Սանչոյի մասին իր կարծիքով՝ նշելով, որ դեռևս նրա մեջ որևէ ակնառու խաղային որակ չի տեսնում։
Կարագերը հիշեցրել է, որ նույնիսկ Սանչոյի «Բորուսիայի» կազմում ելույթների ժամանակ շատ երկրպագուներ նրան համարում էին Անգլիայի հավաքականի ապագա աստղ, բայց նա և իր գործընկեր Գարի Նևիլը ֆուտբոլիստին չեն ընդգրկել խորհրդանշական հավաքականում, ինչը բուռն արձագանք է առաջացրել սոցիալական ցանցերում։ Մասնագետի խոսքով՝ նույնիսկ հիմա նա չի հասկանում, թե ինչն է Սանչոյին դարձնում իսկապես յուրահատուկ խաղացող։
«Նա լավ խաղացող է, բայց ես լիովին չեմ հասկանում, թե ինչն է նրան դարձնում բացառիկ։ Պարզապես չգիտեմ, թե ինչն է նրա ոճը, չեմ կարող պատկերացնել դա», – Կարագերի խոսքերն է փոխանցում FourFourTwo-ն։
Միևնույն ժամանակ, Կարագերը նշել է, որ Մարկուս Ռեշֆորդը, չնայած քննադատություններին, ունի արագություն, հարվածների ճշգրտություն և ուժ ստանդարտ դիրքեր կատարելիս։ Հիշեցնենք, որ անցյալ ամռանը Սանչոն վարձավճարով «Մանչեսթեր Յունայթեդից» տեղափոխվել է «Աստոն Վիլլա»։ Նա խաղում է «մանկունյանցիների» կազմում 2021 թվականից։
