Իսպանիայի հավաքականի գլխավոր մարզիչ Լուիս դե լա Ֆուենտեն պատասխանել է «Բարսելոնայի» 18-ամյա հարձակվող Լամին Յամալի հասցեին ուղղված քննադատությանը և խոսել է «Ոսկե գնդակի» համար նրա առաջադրման մասին։
2024 թվականին Յամալը օգնել է «Լա Ֆուրիա Ռոխային» հաղթել Եվրոպայի առաջնությունում՝ դառնալով մրցաշարի լավագույն գոլային փոխանցում կատարողը 4 գոլային փոխանցմամբ։
«Մի բան է, թե ինչ է Յամալը ցույց տալիս արտաքինից, մեկ այլ բան՝ թե ինչ ունի նա ներսում։ Յամալը տղա է, որը մարզվում է մարզասրահում՝ ֆիզիոթերապևտի, սննդաբանի, հոգեբանի հետ։ Նա միացել է ազգային հավաքականին 16 տարեկանում և ցույց է տվել տպավորիչ հասունություն։
Նա բնականորեն և հիացմունքի արժանի հանգստությամբ է հաղթահարում ճնշումը։ Երբ ես անձամբ խոսում եմ նրա հետ․ իհարկե, նա դեռ երեխա է, բայց նրա մտքերը վախեցնում են ինձ։ Ես ուրախ եմ, որ նա այդպիսին է։ Մենք շփվում ենք, ինձ դուր է գալիս նրա կողքին լինելը, որ ֆուտբոլիստը հանգիստ է և գիտի, որ մեր միջև գաղտնիքներ չկան։
Լամին Յամալն ունի աշխարհի լավագույնը դառնալու ներուժ, բայց ի՞նչ կասեք Միկել Մերինոյի, Ֆաբիան Ռուիսի, Դանի Օլմոյի կամ Պեդրիի մասին։ Նրանք իրենց դիրքերում լավագույն ֆուտբոլիստներն են։ Ես «Ոսկե գնդակը» կտայի իսպանացի ֆուտբոլիստի։ Ես ուրախ կլինեի, եթե Ֆաբիանը կամ Յամալը հաղթեին այն», – ասել է Դե լա Ֆուենտեն Cadena SER-ին։
