«Ռեալ Մադրիդի» կիսապաշտպան Օրելյեն Չուամենին ուղիղ կարմիր քարտ ստացավ Իսլանդիայի դեմ խաղում։ 25-ամյա ֆուտբոլիստը հեռացվեց խաղադաշտից 2026 թվականի աշխարհի առաջնության որակավորման փուլի 68-րդ րոպեին, սակայն ֆրանսիացիները կարողացան պահպանել 2-1 հաշվով առավելությունը՝ չնայած մեկ խաղացողով պակաս լինելուն։

Opta-ի տվյալներով՝ Չուամենին դարձավ Զինեդին Զիդանից հետո առաջին խաղացողը, որը Ֆրանսիայի հավաքականի կազմում երկու կարմիր քարտ ստացավ։ Օրելյեն Չուամենիի նախորդ կարմիր քարտը անցյալ տարի էր, երբ նա հեռացվեց Բելգիայի դեմ խաղում։

Զիդանը կարմիր քարտեր ստացավ 1998 և 2006 թվականներին։ «Ռեալ Մադրիդի» ներկայիս կիսապաշտպանը Ֆրանսիայի հավաքականի կազմում անցկացրած 43 խաղերում խփել է երեք գոլ և կատարել մեկ գոլային փոխանցում։