«Մանչեսթեր Յունայթեդի» դարպասապահ Անդրե Օնանան դեմ չէ Թուրքիա տեղափոխվել: «Տրաբզոնսպորը» մոտ է կամերունցու հետ պայմանագիր կնքելուն՝ արդեն համաձայնության գալով «Կարմիր սատանաների» հետ վարձակալության վերաբերյալ:
Լրագրող Դեյվիդ Օրնշտեյնի խոսքով՝ Օնանան ինքը հետաքրքրված է տեղափոխությամբ և ցանկանում է, որ գործարքը կայանա: «Տրաբզոնսպորը» ակնկալում է, որ 29-ամյա դարպասապահը կկարողանա մասնակցել Թուրքիայի առաջնության առաջիկա խաղին «Ֆեներբախչեի» դեմ, որը կկայանա սեպտեմբերի 14-ին:
Եթե ամեն ինչ ընթանա ըստ ծրագրի, խաղացողը մոտ ապագայում կմիանա թիմին առանց վարձակալության վճարի, և հետագա գնման հնարավորություն չկա։
