«Թոթենհեմը» «Պարի Սեն Ժերմենից» վարձակալությամբ ձեռք է բերել հարձակվող Ռանդալ Կոլո-Մուանիին։ Գործարքը տեղի է ունեցել ամառային տրանսֆերային պատուհանի փակվելուց անմիջապես առաջ։
«Յուվենտուսը» նախկինում երկար ժամանակ փորձել էր ձեռք բերել ֆրանսիացուն, բայց փարիզցիները երբեք թույլ չէին տվել խաղացողին վերադառնալ Թուրին։ Ինչպես նշում է Give Me Sport-ը, «Ծեր Սինյորայի» ղեկավարությունը զարմացած էր Կոլո-Մուանիի «Թոթենհեմ» տեղափոխությամբ։
ՊՍԺ-ն որոշեց հարձակվողին վարձակալությամբ տրամադրել «Թոթենհեմին» 5 միլիոն եվրոյով, մինչդեռ ընդամենը մեկ շաբաթ առաջ մերժել էր «Յուվենտուսին», որն առաջարկում էր մոտ կրկնակի ավելի։ Ռանդալ Կոլո-Մուանին նախորդ մրցաշրջանի երկրորդ կեսին վարձավճարով խաղացել է թուրինյան ակումբում։
