Վինգեր Ռայան Շերկին դուրս է մնացել «Մանչեսթեր Սիթիի» կազմից։ 22-ամյա ֆրանսիացին չի մասնակցել «Քաղաքայիների» կազմում կիրակի օրը «Բրայթոնի» դեմ Պրեմիեր լիգայի արտագնա խաղում։
2-1 հաշվով պարտությունից հետո «Մանչեսթեր Սիթիի» մարզիչ Պեպ Գվարդիոլան հաստատել է, որ Շերկին չի կարողանա խաղալ առաջիկա շաբաթների ընթացքում։
«Շերկին բաց կթողնի մոտ երկու ամիս։ Նա կբացակայի յոթ կամ ութ շաբաթ», – լրագրողներին ասել է Գվարդիոլան։
Եթե կանխատեսումները ճիշտ լինեն, Ռայան Շերկին կկարողանա կրկին խաղալ «Մանչեսթեր Սիթիի» կազմում նոյեմբերին մոտ։ «Մանչեսթեր Սիթին» իր հաջորդ Պրեմիեր լիգայի խաղը կանցկացնի կիրակի՝ սեպտեմբերի 14-ին, «Մանչեսթեր Յունայթեդի» դեմ։
