Մադրիդի «Ռեալի» հարձակվող Ռոդրիգոն ընթացիկ տրանսֆերային պատուհանի ընթացքում չի տեղափոխվի «Մանչեսթեր Սիթի»։ Ինչպես տեղեկացնում է Marca-ն, բրազիլացին որոշել է շարունակել կարիերան մադրիդյան ակումբում և պայքարել հիմնական կազմի համար։

Աղբյուրի պնդմամբ՝ Ռոդրիգոն «արքայական» թիմում կշարունակի հանդես գալ առնվազն մինչև 2026 թվականի հունվար։

24-ամյա ֆուտբոլիստը «Ռեալին» միացել էր վեց տարի առաջ։ Նրա պայմանագիրը մադրիդյան ակումբի հետ ուժի մեջ է մինչև 2028 թվականի կեսերը։