«Ռեալ Մադրիդը» Չեմպիոնների Լիգայի 2025/26 մրցաշրջանի ընդհանուր փուլում կմրցի «Լիվերպուլի» հետ։ Խաղը կկայանա «Էնֆիլդում»՝ անգլիական թիմի տնային մարզադաշտում։

Սա նշանակում է, որ «Լիվերպուլի» երկրպագուները կարող են տեսնել Տրենտ Ալեքսանդր-Արնոլդին իր նախկին թիմի դեմ խաղում։

2016-ից 2025 թվականներին Ալեքսանդր-Արնոլդը «Լիվերպուլի» կազմում անցկացրել է 354 հանդիպում, որոնցից 175-ը՝ «Էնֆիլդում»։

Այս մրցաշրջանում Ալեքսանդր-Արնոլդը «Ռեալ Մադրիդի» կազմում անցկացրել է յոթ խաղ Աշխարհի ակումբային առաջնությունում և Լա լիգայում՝ դառնալով մեկ գոլային փոխանցման հեղինակ։