Հայաստանի հավաքականի և «Կրասնոդարի» կիսապաշտպան Էդուարդ Սպերցյանը մեկնաբանել է մրցաշրջանի սկզբում իր ցուցաբերած բարձր արդյունավետությունը, հաղորդում է Sport24-ը։
Ֆուտբոլիստը նշել է, որ հիմնականում կենտրոնացած է թիմին օգնելու վրա. «Ես աշխատում եմ ու հավատում: Մրցաշրջանի սկզբում դա հաջողվում է ինձ, և կփորձեմ շարունակել նույն կերպ», – ասել է Սպերցյանը։
Նա շեշտել է, որ իր արդյունավետությունը որևէ կապ չունի եվրոպական ակումբներից եկող հետաքրքրության հետ. «Մենք աշխատում ենք, որպեսզի այդ ամենը ցույց տանք դաշտում: Եթե արդյունավետ եմ, ուրեմն ամեն ինչ ճիշտ եմ անում», – հավելել է կիսապաշտպանը։
