«Ֆուլհեմը» աշխատում է «Միլանի» հարձակվող Սամուել Չուկվուեզեի տրանսֆերի վրա։
Այս մասին հայտնում է Calciomercato-ն։
Ակումբները քննարկում են ֆուտբոլիստի տրանսֆերը մշտական հիմունքներով: Հունվարին լոնդոնցիները արդեն փորձել էին վարձակալել ֆուտբոլիստին՝ գնելու իրավունքով, բայց մերժում էին ստացել։
Տրանսֆերի արժեքը կարող է կազմել 25 միլիոն եվրո՝ հաշվի առնելով բոնուսները. Այս պահին կողմերը քննարկում են հնարավոր գործարքի մանրամասները։
Ֆուտբոլիստը նախկինում հանդես է եկել «Վիլյառեալում» և միացել է «Միլանին» 2023 թվականին: Անցած մրցաշրջանում հարձակվողը 36 խաղում խփել է հինգ գոլ և կատարել երեք գոլային փոխանցում:
