«Ռեալ Մադրիդի» կիսապաշտպան Դանի Սեբալյոսը կարող է շարունակել իր կարիերան Ֆրանսիայի առաջնությունում։ Ինչպես հայտնում է լրագրող Ֆաբրիցիո Ռոմանոն՝ «Մարսելը» հետաքրքրված է ֆուտբոլիստի ծառայություններով։
Աղբյուրի համաձայն՝ Սեբալյոսը երազանքի տրանսֆեր է ֆրանսիական ակումբի համար, որը պլանավորում է ուժեղացնել թիմի կիսապաշտպանությունը։ Հաղորդվում է, որ «Ռեալի» և «Մարսելի» միջև արդեն նախնական բանակցություններ են տեղի ունեցել։
Նշվում է, որ գործարքը հեշտ չի լինի, բայց «Մարսելը» կփորձի տրանսֆերը իրականացնել վարձակալության տեսքով՝ գնման իրավունքով։
