Լոնդոնի «Թոթենհեմը» շարունակում է փորձել ձեռք բերել «Մանչեսթեր Սիթիի» թևային Սավիոյին։ Ինչպես հաղորդում է լրագրող Նիկոլո Շիրան, «քաղաքայինները» մերժել են լոնդոնցիների՝ 57 միլիոն եվրոյի առաջարկը, սակայն «Թոթենհեմը» պատրաստվում է բարձրացնել գումարը։

Աղբյուրի տվյալներով՝ լոնդոնյան ակումբն արդեն նախապես համաձայնեցրել է բրազիլացու հետ անձնական պայմանագրի պայմանները՝ մինչև 2030 թվականը, ևս մեկ մրցաշրջանով երկարաձգելու տարբերակով։

Անցած մրցաշրջանում 21-ամյա Սավիոն մասնակցել է 48 հանդիպման բոլոր մրցաշարերում, դարձել է 3 գոլի և 13 գոլային փոխանցման հեղինակ։ Նրա գործող պայմանագիրը «Մանչեսթեր Սիթիի» հետ ուժի մեջ է մինչև 2029 թվականը։