«Լիվերպուլի» և Անգլիայի հավաքականի նախկին հարձակվող Մայքլ Օուենը աջակցել է «Նյուքասլի» շվեդ հարձակվող Ալեքսանդր Իսակին: Իսակը պայքարում է իր ներկայիս ակումբի հետ, որպեսզի տեղափոխվի «Լիվերպուլ», որը խաղացողի համար առաջարկում է 138 միլիոն եվրո:
«Նա կատարել է գործարքի իր մասը և նախորդ զրույցների հիման վրա ակումբը պետք է բաց թողնի նրան, բայց, կարծես, «Նյուքասլը» այդ խաղը չի խաղում», – Օուենի խոսքերն է մեջբերում Chronicle Live-ը:
Վետերանը նշել է, որ սովորաբար հակառակն է լինում. ակումբը ստիպում է խաղացողին հեռանալ: Օուենը խոստովանել է, որ ինքը դժվար թե աներ այն, ինչ արեց Իսակը, բայց հասկանում է իր դրդապատճառները որպես խաղացող, որը կարող է հայտնվել իր կարիերայի ամենաուժեղ ակումբում:
