«Ռեալ Մադրիդի» հարձակվող Կիլիան Մբապպեն մեկնաբանել է Իսպանիայի առաջնության առաջին տուրում «Օսասունայի» դեմ տարած հաղթանակը (1-0)։
«Մեզ համար շատ կարևոր էր տնային խաղը հաղթանակով սկսելը։ Մենք գիտեինք, որ դա հեշտ չի լինելու։ «Օսասունան» ուներ գործողությունների հստակ ծրագիր, և նրանք սպասում էին, որ մենք սխալվենք։ Առաջին խաղակեսում մենք ազատ տարածք չունեինք, բայց երկրորդում մենք արագ գտանք գոլ խփելու միջոց։ Մենք ավելի շատ հնարավորություններ ունեինք և ավելի լավ կառավարեցինք խաղը։ Այնուամենայնիվ, մենք ուրախ ենք հաղթանակով և ձգտում ենք նոր նվաճումների։
Ես ինձ հիանալի եմ զգում, բայց գլխավորը թիմին անընդհատ աջակցելն է։ Հարձակման մեջ, պաշտպանությունում, իսկ մնացածը կհետևի։ Եթե ես վճռական լինեմ թիմին օգնելու հարցում, մենք կարող ենք հաղթել խաղը», – Մբապպեի խոսքերն է մեջբերում Marca-ն։
Իսպանիայի առաջնության երկրորդ տուրում «Ռեալը» օգոստոսի 24-ին արտագնա խաղում կմրցի «Օվիեդոյի» դեմ։
