«Ռեալ Մադրիդի» գլխավոր մարզիչ Խաբի Ալոնսոն երկրպագուներին արդյունքների հասնելու խոստումներ չի տվել։
«Ես հակված եմ ավելի շատ գործել, քան խոսել։ Գործողությունից առաջ խոստումները սովորաբար արդյունք չեն տալիս ֆուտբոլում։ Մենք ձգտում ենք մեր էներգիան փոխանցել խաղադաշտ, մենք դրան արժանի ենք։ Պարզապես խոսելով դրան չես հասնի», – լրագրողներին ասել է Ալոնսոն։
Իսպանացի մասնագետը «Ռեալը» գլխավորեց այս ամռանը՝ փոխարինելով Կառլո Անչելոտտիին գլխավոր մարզչի պաշտոնում։ Իսպանիայի առաջնության նոր մրցաշրջանի առաջին տուրում «Ռեալը» տանը կընդունի «Օսասունային»։ Խաղը կկայանա վաղը՝ օգոստոսի 19-ին։
