Անգլիական «Վեսթ Հեմ» ակումբը հետաքրքրված է մակեդոնացի կիսապաշտպան Էլիֆ Էլմասի ծառայություններով: Այս մասին հաղորդում է Football Italia-ն:
Աղբյուրի համաձայն՝ ֆուտբոլիստով հետաքրքրված են նաև երկու իտալական ակումբներ՝ «Նապոլին» և «Տորինոն»: «Մուրճերը» հարցում են ուղարկել «Լայպցիգին», սակայն դեռևս որևէ մանրամասնություն չի ստացվել:
Նախկինում 25-ամյա կիսապաշտպանը հրաժարվել է տեղափոխվել «Բեշիկթաշ» և տարեկան 5 միլիոն եվրո աշխատավարձ ստանալ, քանի որ ցանկանում է խաղալ Անգլիայում կամ Իտալիայում: Անցյալ մրցաշրջանում Էլմասը «Լայպցիգի» կազմում խաղացել է 6 խաղ և կատարել 1 գոլային փոխանցում, որից հետո վարձավճարով տեղափոխվել է «Տորինո» (13 խաղ, 4 գոլ): Նրա շուկայական արժեքը գնահատվում է 14 միլիոն եվրո:
