«Մանչեսթեր Յունայթեդի» գլխավոր մարզիչ Ռուբեն Ամորիմը ցանկանում է ամրապնդել կիսապաշտպանությունը՝ նպատակ ունենալով թիմում տեսնել «Բրայթոնի» կենտրոնական կիսապաշտպան Կառլոս Բալեբային։
Ինչպես հայտնում է ինսայդեր Ֆաբրիցիո Ռոմանոն, պորտուգալացի մասնագետը բարձր է գնահատում 21-ամյա կամերունցու ունակությունները և գտնում է, որ նա իդեալական կհամապատասխանի 3-4-3 մարտավարական դասավորության պահանջներին։
Այնուամենայնիվ, տրանսֆերը այս պահին քիչ հավանական է։ «Բրայթոնը» չի դիտարկում Բալեբայի վաճառքը և նրան համարում է թիմի առանցքային խաղացողներից մեկը։ Ակումբը նաև պատրաստ է դիմակայել ցանկացած առաջարկի՝ սահմանելով բարձր արժեք։
Ըստ Transfermarkt-ի՝ Բալեբայի շուկայական արժեքը կազմում է 40 միլիոն եվրո։ Նրա պայմանագիրն ուժի մեջ է մինչև 2028 թվականի ամառը, ինչպես նաև ներառում է պայմանագրի ավտոմատ երկարաձգման դրույթ՝ ևս մեկ տարով։
