«Մանչեսթեր Յունայթեդը» բանակցություններ է սկսել «Լայպցիգի» 22-ամյա հարձակվող Բենջամին Շեշկոյի հետ պայմանագիր կնքելու համար։
Ըստ Manchester Evening News-ի, ֆուտբոլիստի հնարավոր տրանսֆերային արժեքը կարող է կազմել 79 միլիոն ֆունտ (90 միլիոն եվրո)։
Աղբյուրի փոխանցմամբ՝ «Նյուքասլը», որը նույնպես հետաքրքրված էր սլովենացիով, հաշտվել է այն փաստի հետ, որ հարձակվողը կամրապնդի «Կարմիր սատանաների» կազմը։
Ընդգծվում է, որ «Մանչեսթեր Յունայթեդը» վստահ է, որ ակումբը կկարողանա ֆինանսավորել Շեշկոյին ձեռք բերելու գործարքը։
Անցյալ մրցաշրջանում Շեշկոն մասնակցել է 45 խաղի բոլոր մրցաշարերում, որոնցում խփել է 21 գոլ և կատարել վեց գոլային փոխանցում։ Ֆուտբոլիստի ներկայիս աշխատանքային պայմանագիրը ակումբի հետ ուժի մեջ է մինչև 2029 թվականի ամառը։
