Լուկա Մոդրիչը արձագանքել է «Բարսելոնայի» ակումբային հեռուստատեսության կողմից արված ծաղրին, որն անդրադառնում էր Խորվաթ վետերանի սխալին նախորդ մրցաշրջանի Իսպանիայի գավաթի խաղարկությունում։
Մոդրիչի գործողությունը, որն օգնեց «Բարսելոնային» հաղթել գավաթը, հայտնվել էր կատալոնական հեռարձակողների ուշադրության կենտրոնում, որոնք հումորային մեկնաբանություններով ծաղրել էին նրա սխալը։
Defensa Central-ի փոխանցմամբ՝ Մոդրիչի ընկերները նրան ուղարկել էին տեսանյութը, որին ֆուտբոլիստը հակիրճ, բայց սուր արձագանքել է.
«Ես ավելի շատ Չեմպիոնների լիգա եմ հաղթել, քան նրանք՝ ողջ պատմության ընթացքում։ Ինձ համար միևնույն է, թե ինչ են ասում», – նշել է նա։
Հիշեցնենք, որ Լուկա Մոդրիչը այս ամռանը հեռացավ «Ռեալ Մադրիդից»՝ ակումբում անցկացրած 13 մրցաշրջանից հետո։ Այդ ընթացքում նա վեց անգամ նվաճեց Չեմպիոնների լիգան։
«Բարսելոնան» իր պատմության ընթացքում հինգ անգամ է դարձել Եվրոպայի գավաթակիր։
