Պորտուգալիայի ազգային հավաքականի և Լոնդոնի «Չելսիի» ֆուտբոլիստ Ժոաու Ֆելիշը պաշտոնապես տեղափոխվել է Սաուդյան Արաբիայի «Ալ Նասր» ակումբ։ Տեղեկությունը հաստատել է սաուդյան ակումբի մամուլի ծառայությունը։
Ըստ Transfermarkt-ի տվյալների՝ «Ալ Նասրը» պորտուգալացի հարձակվողի տրանսֆերի դիմաց վճարել է 30 միլիոն եվրո։ Ֆելիքսի և նոր ակումբի միջև կնքված պայմանագրի մանրամասները դեռևս չեն հրապարակվել։
Ավելի վաղ տեղեկություններ էին շրջանառվում, որ Ժոաու Ֆելիքսը «Ալ Նասրում» տարեկան կստանա շուրջ 17 միլիոն եվրո աշխատավարձ, ինչը նրան դարձնում է Սաուդյան Պրոֆեսիոնալ լիգայի ամենաբարձր վարձատրվող խաղացողներից մեկը։
Հիշեցնենք, որ 24-ամյա Ֆելիքսը Եվրոպայում ներկայացրել է մի շարք ակումբներ, այդ թվում՝ «Ատլետիկո Մադրիդը», «Բենֆիկան» և «Չելսին»։ Նրա տեղափոխությունը Սաուդյան Արաբիա դիտարկվում է որպես կարևոր քայլ՝ կարիերայի նոր ուղղությամբ։
