«Չելսիի» հարձակվող Ժոաու Ֆելիշը շուտով կփորձարկի «Ալ-Նասրի» մարզաշապիկը։
Սաուդյան ակումբն արդեն համաձայնության է եկել տրանսֆերի պայմանների շուրջ «Ազնվականների» հետ. գործարքի ընդհանուր արժեքը կկազմի մոտ 50 միլիոն եվրո։
Ինքը՝ պորտուգալացին, նույնպես պատրաստ է տրանսֆերին. հեղինակավոր ինսայդեր Ֆաբրիցիո Ռոմանոյի խոսքով՝ 25-ամյա խաղացողը պայմանագիր կկնքի «Ալ-Նասրի» հետ մինչև 2027 թվականի կեսերը։
Եթե ամեն ինչ ընթանա ըստ ծրագրի, Ժոաու Ֆելիշը կտեղափոխվի առաջիկա օրերին։ Ավելի վաղ «Բենֆիկան» պլանավորում էր վերադարձնել հարձակվողին, բայց դուրս մնաց մրցավազքից անմիջապես այն բանից հետո, երբ Սաուդյան չեմպիոնական հսկան հայտնվեց դրանում։
