Թուրինի «Յուվենտուսը» մերժել է «Չելսիի» առաջարկը՝ վաճառելու վինգեր Քենան Յիլդիզին, ըստ La Gazzetta dello Sport-ի։
«Չելսին» պատրաստ էր մինչև 68 միլիոն եվրո վճարել 20-ամյա թուրք ֆուտբոլիստի համար, սակայն «Յուվենտուսը» հստակեցրել է, որ ցանկանում է նրան պահել իր կազմում և չի վաճառի նրան նույնիսկ մեծ գումարի դիմաց։
Սպասվում է, որ «Յուվենտուսը» մոտ ապագայում Յիլդիզին նոր պայմանագիր կառաջարկի՝ նրա աշխատավարձը 1.5 միլիոն եվրոյից բարձրացնելով մինչև 4 միլիոն եվրո։ Անցյալ մրցաշրջանում Յիլդիզը ակումբային մակարդակով անցկացրել է 52 խաղ՝ խփելով 12 գոլ և կատարելով 9 գոլային փոխանցում։
