«Ռեալ Մադրիդի» և Վինիսիուս Ժունիորի միջև բանակցային գործընթացը դադարեցվել էր այս տարվա փետրվարին։
Նշվում է, որ դա տեղի է ունեցել այն բանից հետո, երբ 25-ամյա ֆուտբոլիստը պահանջել է աշխատավարձի բարձրացում։ Այս մասին հայտնում է AS-ը։
Աղբյուրի համաձայն՝ բրազիլացին խնդրել է տարեկան 20 միլիոն եվրո աշխատավարձ, որը 5 միլիոն եվրոյով գերազանցում է իր ներկայիս աշխատավարձը։ «Արքայական ակումբը» քննարկում է Վինիսիուսի պայմանները կատարելու նպատակահարմարությունը, քանի որ այդ դեպքում նա կդառնա «Ռեալի» ամենաբարձր վարձատրվող ֆուտբոլիստը՝ գերազանցելով հարձակվող Կիլիան Մբապպեին (15 միլիոն եվրո)։
Ֆուտբոլիստի ներկայիս աշխատանքային պայմանագիրը ակումբի հետ ուժի մեջ է մինչև 2027 թվականի ամառը։
