Մարկուս Ռեշֆորդը կշարունակի իր կարիերան Իսպանիայում: Ինչպես հայտնել է հեղինակավոր ինսայդեր Ֆաբրիցիո Ռոմանոն, շաբաթ օրվա վերջին վերջնականապես կհամաձայնեցվեն Ռեշֆորդի վարձակալության պայմանները՝ գնման իրավունքով:
Բոլոր կողմերն արդեն բանավոր համաձայնության են եկել: Երբ ամեն ինչ վերջնականապես համաձայնեցվի, «Մանչեսթեր Յունայթեդը» 27-ամյա Ռեշֆորդին կթույլատրի մեկնել Իսպանիա:
Առաջիկա օրերին Մարկուսը բժշկական զննում կանցնի «Բարսելոնայի» համար: Ինչպես գիտեք, Մարկուս Ռեշֆորդը վերջերս մարզվում էր «Մանչեսթեր Յունայթեդի» հիմնական թիմից առանձին, քանի որ նա երկար ժամանակ չի մտնում Ռուբեն Ամորիմի ծրագրերի մեջ։
