«Բարսելոնան» աշխատում էր վինգեր Նիկո Ուիլյամսի հետ պայմանագիր կնքելու ուղղությամբ, երբ խաղացողը վերջերս տասը տարով երկարաձգեց պայմանագիրը «Ատլետիկի» հետ։
AS-ի լրագրողներին հաջողվեց տեղեկություններ գտնել խաղացողի կատալոնական գրանդ տեղափոխվելու ձախողման իրական պատճառի մասին։
Աղբյուրի համաձայն՝ «Բարսելոնայի» մարզական տնօրեն Դեկուի և Ուիլյամսի գործակալ Ֆելիքս Տեյնտայի միջև բանակցությունները հարթ էին ընթանում, մինչև կատալոնացիները իմացան, որ գործակալը նաև քննարկում է խաղացողի պայմանագրի բարելավումը «Ատլետիկի» հետ։
Բանակցությունների ձգձգումը հիասթափեցրեց «Բարսելոնային», և ակումբը անմիջապես կապ հաստատեց խաղացողի հետ։ Կատալոնացիները կոչ արեցին Ուիլյամսին հրաժարվել գործակալից և սկսել աշխատել Ժորժե Մենդեշի կամ Պինի Զահավիի նման մեկի հետ։
«Բարսելոնայի» այս քայլը զայրացրեց Նիկոյին և նրա ընտանիքին։ Վերջիվերջո, խաղացողը որոշեց մնալ իր հարազատ ակումբում
