«Լիվերպուլի» կողմից «Նյուքասլի» հարձակվող Ալեքսանդր Իսակի կամ «Այնտրախտի» հարձակվող Ուգո Էկիտիկեի հնարավոր ձեռքբերումը կարող է նպաստել «Մերսիսայդցիների» հարձակվող Լուիս Դիասի տեղափոխմանը «Բարսելոնա», որը խիստ հետաքրքրված է խաղացողով։ Այս մասին հաղորդում է Marca-ն։
Աղբյուրի տվյալներով՝ դա պայմանավորված է Իսակի և Էկիտիկեի՝ Դիասի դիրքում խաղալու ունակությամբ։
Նշվում է, որ կատալոնական ակումբի նախագահ Ժոան Լապորտան և ակումբի մարզական տնօրեն Դեկուն հետևում են «Լիվերպուլի» տրանսֆերների հետ կապված բոլոր նորություններին։
Բացի այդ, կոլումբիացու իսպանական գրանդ տեղափոխվելու հավանականությունը մեծացել է, քանի որ խաղացողը չի ընդունել «Լիվերպուլի» նոր պայմանագրի առաջարկը՝ այն համարելով անբավարար։
Ավելի վաղ լրատվամիջոցները հայտնել էին, որ մերսիսայդցիները բանակցություններ են վարել «կաչաղակների» հետ Իսակի վերաբերյալ, ինչպես նաև «Այնտրախտին» առաջարկել են 81.2 միլիոն եվրո Էկիտիկեի համար։
