«Ռեալ Մադրիդի» կիսապաշտպան Էդուարդո Կամավինգան կարող է փոխել ակումբը ամառային տրանսֆերային պատուհանի ժամանակ։ Այս մասին հաղորդում է Defensa Central-ը։
Աղբյուրի տվյալներով՝ ֆրանսիացի կիսապաշտպանի ծառայություններով հետաքրքրված է «Մանչեսթեր Սիթին»։ «Քաղաքայինների» գլխավոր մարզիչ Խոսեպ Գվարդիոլան անձամբ ցանկանում է նրան տեսնել իր թիմում։
Էդուարդոյի տրանսֆերային արժեքը գնահատվում է 60 միլիոն եվրո։ 22-ամյա կիսապաշտպանի ներկայիս աշխատանքային պայմանագիրը «սերուցքայինների» հետ լրանում է 2029 թվականի ամռանը։ Իսպանիայի առաջնության անցած մրցաշրջանում Կամավինգան անցկացրել է 19 խաղ։ Կիսապաշտպանը խփել է մեկ գոլ և կատարել երկու գոլային փոխանցում։
