«Բարսելոնայի» նորեկ Ռունի Բարջին նախամրցաշրջանային մարզումների կմեկնի հիմնական թիմի հետ։ Այս մասին հաղորդում է Diario Sport-ը։
Աղբյուրի համաձայն՝ 19-ամյա եզրային հարձակվողը կարող է նոր մրցաշրջանը սկսել «Բարսելոնայի» հիմնական թիմի հետ, եթե իրեն լավ դրսևորի մարզական հավաքին։
Հիշեցնենք, որ «Բարսելոնան» արդեն պաշտոնապես հայտարարել է Բարջիի՝ դանիական «Կոպենհագենից» տեղափոխվելու մասին։ Ըստ լուրերի՝ երիտասարդ տաղանդի ձեռքբերումը կատալոնացիներին արժեցել է երկու միլիոն եվրո։ Իսպանիայի առաջնության նոր մրցաշրջանի մեկնարկը նախատեսված է օգոստոսի կեսերին։ Առաջին փուլում «կապույտ նռնակները» կհանդիպեն «Մալյորկայի» հետ արտագնա խաղում (օգոստոսի 16-ին)։
