Ֆրանսիացի 28-ամյա հարձակվող Ժան-Ֆիլիպ Մատետան, որը հանդես է գալիս «Քրիսթալ Փելասում», կարող է հայտնվել Պրեմիեր լիգայի մեկ այլ ակումբում։
Ինչպես հայտնի է դարձել Footmercato-ի լրագրողներին, «Լիվերպուլը» հետաքրքրված է հարձակվողի ծառայություններով։ Մերսիսայդյան առաջատար ակումբի ներկայացուցիչները նախնական բանակցություններ են վարել Մատետայի գործակալների հետ Փարիզում։
Անցյալ մրցաշրջանում հարձակվողը «Քրիսթալ Փելասի» կազմում անցկացրել է 46 խաղ։ Հարձակվողը խփել է 17 գոլ և կատարել չորս գոլային փոխանցում։ Ֆուտբոլիստի տրանսֆերային արժեքը գնահատվում է 30 միլիոն եվրո, իսկ նրա պայմանագիրը նախատեսված է մինչև 2027 թվականի ամառը։
