Թիմոթի Վեան կարող է շարունակել իր կարիերան Ֆրանսիայում: Ամերիկացի «Յուվենտուսի» եզրային պաշտպանը ողջունել է «Մարսելի» հետաքրքրությունը, որտեղ գլխավոր մարզիչ Ռոբերտո Դե Զերբին ցանկանում է տեսնել նրան իր թիմում: Իտալացին Վեան ներառել է ամռան համար առաջնահերթ ուժեղացումների ցանկում՝ Չեմպիոնների լիգայում համար թիմը ուժեղացնելու համար։ Այս մասին հայտնում է Tuttomercatoweb-ը։
Ֆուտբոլիստի գործակալի և «Մարսելի» միջև կապերն արդեն ընթացքի մեջ են, և բանակցությունները արագ զարգանում են: Վեան նախկինում մոտ էր Թուրինից հեռանալուն, բայց հետո մերժեց անգլիական «Նոթինգհեմ Ֆորեսթ» տեղափոխվելու հնարավորությունը, իսկ նրա գործակալն այդ ժամանակ ասաց. «Նա խամաճիկ չէ»: Հիմա իրավիճակը այլ է. «Մարսելի» նախագիծն ավելի գրավիչ է թվում 24-ամյա ֆուտբոլիստի համար։
«Յուվենտուսը» Վեան ձեռք բերեց 2023 թվականի ամռանը «Լիլից» մոտ 11 միլիոն եվրոյով: Հիմա նրանք պետք է համաձայնության գան տրանսֆերի արժեքի շուրջ, որպեսզի գործարքը կարողանան ավարտել:
