«Մանչեսթեր Սիթիի» կիսապաշտպան Մաքսիմո Պերոնեն կարիերան կշարունակի «Կոմոյում»։
Արգենտինացին նախորդ մրցաշրջանում իտալական ակումբում խաղացել է վարձավճարով։ Այժմ «Քաղաքայինները» համաձայնել են կիսապաշտպանին մշտական հիմունքներով թողնել «Կոմո», հայտնում է Ֆաբրիցիո Ռոմանոն։
Տրանսֆերի արժեքը կկազմի 13 միլիոն եվրո։ Գործարքի բոլոր մանրամասներն արդեն համաձայնեցված են։ «Մանչեսթեր Սիթին» Մաքսիմո Պերոնեին ձեռք է բերել արգենտինական «Վելես Սարսֆիլդից» 2023 թվականի սկզբին՝ 11 միլիոն եվրոյով։
22-ամյա ֆուտբոլիստը «Քաղաքայինների» հիմնական թիմում խաղացել է ընդամենը երկու անգամ, իսկ «Կոմոյի» կազմում անցկացրել է 26 խաղ՝ կատարելով երեք գոլային փոխանցում։
