«Միլանում» մարզական հավաքի առաջին օրը Մասիմիլիանո Ալեգրին հաստատեց, որ Մայք Մենյանը կշարունակի կրել ավագի թևկապը։ Ֆրանսիացի դարպասապահը, չնայած «Չելսիի» հետաքրքրությանը, մնացել է թիմում։
«Ես այսօր առավոտյան հանդիպեցի Մայքի և Լեաուի հետ, նրանք լավ տրամադրություն ունեին։ Ես ուրախ եմ, որ Մենյանը որոշել է մնալ։ Նա թիմի ավագն է, միջազգային խաղացող, Եվրոպայի լավագույն դարպասապահներից մեկը։ Ակումբը հիանալի աշխատանք է կատարել նրան պահելու համար», – ասաց Ալեգրին մամուլի ասուլիսի ժամանակ։
