«Ատալանտայի» իտալացի պաշտպան Ջորջիո Սկալվինին չի միանա «Նյուքասլին»։ Այս մասին հայտնել է լրագրող Սեբաստիան Վիդալը։
Աղբյուրի փոխանցմամբ՝ «Ատալանտան» չի ցանկանում վաճառել իր պաշտպանին, քանի որ ակումբը կարծում է, որ նրան շատ դժվար կլինի փոխարինել։ Պնդվում է, որ ակումբների միջև բանակցությունները չեն շարունակվի։ Ավելի վաղ հաղորդվել էր, որ Սկալվինին «Նյուքասլի» ներկայիս ամռան տրանսֆերային հիմնական նպատակն է։
Անցյալ մրցաշրջանում 21-ամյա պաշտպանը խաղադաշտում է եղել ութ խաղում և գոլ չի խփել։ Խաղացողը բաց է թողել մրցաշրջանի մեծ մասը խաչաձև և ուսի վնասվածքների պատճառով։
