Ֆրանչեսկո Ֆարիոլին պաշտոնապես նշանակվել է պորտուգալական «Պորտուի» գլխավոր մարզիչ։ Ինչպես հայտնում է ակումբի պաշտոնական կայքը, կողմերը կնքել են պայմանագիր, որը կգործի մինչև 2027 թվականի հունիսի 30-ը։
36-ամյա իտալացի մասնագետն իր մինչ այժմյան կարիերայում արդեն աշխատել է մի շարք եվրոպական ակումբներում։ Նա գլխավորել է հոլանդական «Այաքսը», ֆրանսիական «Նիսը», ինչպես նաև թուրքական «Ալանիասպորը» և «Կարագյումրյուկը»։
Ֆարիոլին համարվում է եվրոպական ֆուտբոլում երիտասարդ և առաջադեմ մտածող մարզիչներից մեկը, և այժմ նրան վստահվել է «Պորտուի» մարզչական ղեկը՝ նոր հաջողությունների հույսով։
