Օլիվիե Ժիրուն «Լիլ» տեղափոխությունը համարում է իր համար նոր մարտահրավեր։
38-ամյա հարձակվողը լքեց Լոս Անջելեսը որպես ազատ գործակալ և մեկ տարվա պայմանագիր կնքեց ֆրանսիական ակումբի հետ։
«MLS-ում խաղաոճն ինձ այդքան էլ չէր համապատասխանում։ 13 տարի անց Ֆրանսիա վերադառնալը հնարավորություն է և անհավանական մարտահրավեր։
Ես զգում եմ, որ լավ ֆիզիկական վիճակում եմ, մի անհանգստացեք։ Ես պատրաստ եմ այս մարտահրավերին։ Ես ինձ լավ եմ զգում իմ տարիքի համար և ուզում եմ խաղալ մինչև մարմինս ասի «կանգ առ»։
Ինձ մարտահրավերներ են պետք՝ ինձ փորձարկելու համար, սա առաջ է մղել իմ կարիերան։ Այս մարտահրավերն ինքնին խոսում է այդ մասին», – ասել է Ֆրանսիայի հավաքականի նախկին հարձակվողը։
