«Մանչեսթեր Յունայթեդի» հարձակվող Մարկուս Ռեշֆորդը կարող է շարունակել իր կարիերան Գերմանիայում, հաղորդում է The Sun-ը։

Աղբյուրի տվյալներով՝ 27-ամյա անգլիացու ծառայություններով հետաքրքրված է «Բավարիան»։ Մյունխենյան ակումբը տպավորված էր հարձակվողի խաղով «Ասթոն Վիլայի» կազմում նախորդ մրցաշրջանում։

Փետրվարին Ռեշֆորդը վարձավճարով միացավ «Ասթոն Վիլային» մինչև 2024/25 մրցաշրջանի ավարտը։ Նա իր նոր ակումբի կազմում անցկացրել է 17 խաղ, խփեց չորս գոլ և կատարեց վեց գոլային փոխանցում։ Ֆուտբոլիստի ներկայիս պայմանագիրը «Մանչեսթեր Յունայթեդի» հետ ուժի մեջ է մինչև 2028 թվականի ամառը։