«Միլանը» ակտիվորեն փնտրում է նոր հարձակվողի։ Մարզական տնօրեն Իգլի Տարեն ասել է, որ ակումբին անհրաժեշտ է հարձակվող «ինչպես Ժիրուն», ով տուգանային հրապարակում իրեն լավ կզգա և կգերիշխի դարպասի առջև։
Առաջնահերթ թեկնածուն «Բորուսիա Դորտմունդի» հարձակվող Սերու Գիրասսին է: Ռոսոներիները հետաքրքրված էին նրանով դեռևս 2023/24 մրցաշրջանում:
Այնուամենայնիվ, 29-ամյա գվինեացուն ձեռք բերելը հեշտ չի լինի: «Բորուսիան» նրա համար պահանջում է 70 միլիոն եվրո, չնայած նրա շուկայական արժեքը գնահատվում է մոտ 45 միլիոն: Բացի այդ, Գիրասսին այժմ մասնակցում է ԱՄՆ-ում կայանալիք ակումբային աշխարհի առաջնությանը և չի կարողանա միանալ իր նոր ակումբին մինչև օգոստոս։
