«Արսենալը» ամառային տրանսֆերային պատուհանի ժամանակ փորձում է ուժեղացնել իր հարձակումը։ Ինչպես հաղորդում է Football Italia-ն, լոնդոնյան ակումբը կրկին թիրախավորում է «Ատալանտայի» խաղացողին:
«Արսենալը» հետաքրքրված է Ադեմոլա Լուկմանով։ Նշվում է, որ «Արսենալը» արդեն դիմել է Լուկմանին անցյալ ամռանը։ «Ատալանտայի» պահանջվող գինը 45-50 միլիոն եվրո է։ 2024/2025 մրցաշրջանում Ադեմոլա Լուկմանը խաղացել է 40 խաղ, խփել 20 գոլ և կատարել 7 գոլային փոխանցում իր թիմակիցներին։
«Արսենալը» Անգլիայի Պրեմիեր լիգայի նախորդ մրցաշրջանն ավարտել է մրցաշարային աղյուսակի երկրորդ տեղում։
