«Ատլետիկո Մադրիդի» կազմը կարող է լուրջ փոփոխությունների ենթարկվել 2025/26 մրցաշրջանից առաջ՝ կորցնելով 9 ֆուտբոլիստի։ Այս մասին հաղորդում է Marca-ն։
Ըստ աղբյուրի՝ այս պահին Սեզար Ասպիլիկուետան, Ակսել Վիտսելը և Ռեյնիլդոն կհեռանան «Ատլետիկոյի» կազմից՝ պայմանագրերի ժամկետի լրանալու պատճառով։ Անխել Կորեան և Ռոդրիգո Ռիկելմեն նույնպես մեկ քայլ հեռու են «Ատլետիկոյից» հեռանալուց, չնայած գործող պայմանագրերին։
Նշվում է, որ մադրիդյան թիմի պատրաստ է բաց թողնել Սամուել Լինոյին և Նաուել Մոլինային, որոնց հնարավոր վաճառքը կարող է ակումբին գումար բերել։
Կիսապաշտպան Քոնոր Գալագերի ապագան անորոշ է։ Ֆուտբոլիստը կարող է վերադառնալ Պրեմիեր Լիգա, եթե ստանա համապատասխան առաջարկ։
Կիսապաշտպան Ռոդրիգո Դե Պոլի ապագան «Ատլետիկոյում» նույնպես անորոշ է։ Նրա պայմանագիրը երկարաձգելու բանակցությունները փակուղի են մտել։
