«Ռեալ Մադրիդի» նախկին կիսապաշտպան Լուիշ Ֆիգուն խորհուրդ է տվել մադրիդյան ակումբին պայմանագիր կնքել «Ատլետիկ Բիլբաոյի» և Իսպանիայի հավաքականի վինգեր Նիկո Ուիլյամսի հետ։
«Ինձ շատ խաղացողներ են դուր գալիս, բայց անպայման կհամաձայնվեի պայմանագիր կնքել Նիկո Ուիլյամսի հետ։ Նա իսկական ադամանդ է։ Եվ նրա գինը ինձ համար մատչելի է թվում՝ հաշվի առնելով այս պահին ծախսվող գումարը։ Նա լավ ձեռքբերում կլիներ իր որակի և նաև երիտասարդության շնորհիվ։
Մենք տարբեր խաղացողներ ենք։ Բայց այո, ես նրան շատ եմ սիրում իր դիրքի պատճառով։ Ինձ դուր են գալիս վինգերները, քանի որ այնտեղ եմ ես լավագույնս խաղացել։ Բայց ես նրա պես արագ չէի, ես կցանկանայի նույնքան արագ լինել», – Ֆիգուի խոսքերն է մեջբերում Diario AS-ը։
22-ամյա ֆուտբոլիստի ծառայություններով հետաքրքրված են «Բարսելոնան» և «Բավարիան Մյունխենը» այս տրանսֆերային պատուհանի ընթացքում։
