«Բայերի» կիսապաշտպան Գրանիտ Ջական կարող է տեղափոխվել Իտալիայի առաջնություն։ Այս մասին հայտնում է Ջանլուկա դի Մարցիոն։
Լրագրողի խոսքով՝ «դեղագործները» պատրաստ են բաժանվել 32-ամյա շվեյցարացի կիսապաշտպանից, եթե նրա համար վճարեն մոտ տասը միլիոն եվրո։
«Միլանը» ցանկանում է պայմանագիր կնքել ֆուտբոլիստի հետ։ Գերմանական Բունդեսլիգայի անցած մրցաշրջանում Ջական անցկացրել է 33 խաղ, խփել երկու գոլ և կատարել յոթ գոլային փոխանցում։
Կիսապաշտպանի գործող պայմանագիրը «Բայերի» հետ ուժի մեջ է մինչև 2028 թվականի հունիսի վերջը։ Գրանիտի տրանսֆերային արժեքը գնահատվում է 12 միլիոն եվրո։
