«Մանչեսթեր Յունայթեդի» բրազիլացի կիսապաշտպան Կազեմիրոն կարող է տեղափոխվել Սաուդյան Արաբիայի առաջնություն։ Այս տեղեկատվությունը տարածել է ներքին աղբյուր Նիկոլո Շիրան։

Աղբյուրի փոխանցմամբ՝ Կազեմիրոն շահավետ առաջարկ է ստացել սաուդյան ակումբից։ Պնդվում է, որ կիսապաշտպանը կարող է լքել «Մանչեսթեր Յունայթեդը» ամառային տրանսֆերային պատուհանի ժամանակ։

Այս մրցաշրջանում 33-ամյա Կազեմիրոն մասնակցել է բոլոր մրցաշարերի 42 խաղի, դարձել հինգ գոլի հեղինակ և կատարել երեք գոլային փոխանցում։ Կազեմիրոյի գործող պայմանագիրը «Մանչեսթեր Յունայթեդի» հետ ուժի մեջ է մինչև 2026 թվականի ամառը։ Transfermarkt-ի փորձագետները ֆուտբոլիստի արժեքը գնահատում են տասը միլիոն եվրո։