«Բարսելոնան» մոտ է «Կոպենհագենի» կիսապաշտպան Ռունի Բարջիի հետ պայմանագիր կնքելու գործարքի ավարտին։ Այս մասին հայտնել է լրագրող Ֆաբրիցիո Ռոմանոն։
Աղբյուրի համաձայն՝ բանակցությունները գտնվում են վերջնական փուլում, վերջնական մանրամասները կկարգավորվեն առաջիկա օրերին։ Նշվում է, որ շվեդ կիսապաշտպանը կարող է միանալ «Բարսելոնային» հուլիսին։
Ավելի վաղ հաղորդվել էր, որ ֆուտբոլիստի գործակալն արդեն այցելել է «Բարսելոնա» և հանդիպել կատալոնական ակումբի ներկայացուցիչների հետ, և «Բարսելոնան» քննարկում է տարբերակներ՝ ֆուտբոլիստին հունվարին ազատ գործակալի կարգավիճակով պայմանագիր կնքել կամ նրան հենց հիմա ձեռք բերել 2-3 միլիոն եվրոյով։
Ֆուտբոլիստի պայմանագիրը դանիական թիմի հետ նախատեսված է մինչև 2025 թվականի վերջը։
