«Բարսելոնայի» ղեկավարությունը հաստատել է 2024/25 մրցաշրջանի համար 28 միլիոն եվրոյի բոնուսների վճարումը։ Այս մասին հայտարարել է ակումբի նախագահ Ժոան Լապորտան As-ին տված հարցազրույցում՝ աշխատակիցների համար կազմակերպված պաշտոնական ընթրիքի ժամանակ։

Աղբյուրի փոխանցմամբ՝ ակումբի խաղացողները, մարզիչները և աշխատակիցները կստանան բոնուսներ Լա Լիգայում և Իսպանիայի գավաթում հաղթելու համար։ Հաշվի է առնվում նաև Իսպանիայի Սուպերգավաթի հաղթանակը, որի համար պարգևատրումների մի մասն ավելի վաղ վճարվել էր։

Հիմնական կազմի յուրաքանչյուր խաղացող իրավունք ունի մոտ 1.25 միլիոն եվրոյի բոնուսի։ Ընդհանուր առմամբ, մոտ 25 միլիոն եվրոն կծախսվի խաղացողներին վճարումների վրա։ Մնացած երեք միլիոնը կբաշխվի մարզչական անձնակազմի և վարչական անձնակազմի անդամների միջև։

Մարզիչները կստանան 20 հազարական եվրո, իսկ մայիսին՝ 10 հազար եվրո՝ Իսպանիայի Սուպերգավաթը հաղթելու համար։ Բոնուսները կլինեն լրացուցիչ՝ ակումբի անձնակազմի կողմից մրցաշրջանի հաջող ավարտի համար ստացվող կրկնակի աշխատավարձերից բացի։